சமீபத்தில் சங்கம் அமைத்துள்ள இவர்கள், வேலை கேட்டு போராட உள்ளனர்.

இந்தியாவில், ஏர்  இந்தியா மற்றும் இந்தியன் ஏர்லைன்ஸ் விமானங்கள் மட்டுமே இயக்கப்பட்டன. 1953ம் ஆண்டு இயற்றப்பட்ட, ஏர் கார்ப்பரேஷன்  சட்டப்படி, பொதுமக்கள் பயணத்திற்காக, தனியார் விமான நிறுவனங்களுக்கு அனுமதி இல்லை. பத்தாண்டுக்கு முன், ஏர்டாக்சி விமானங்களுக்கு, அரசு அனுமதி அளித்தது.

அக்., 30, 2007 வரை, இந்தியாவில் 439 விமானங்கள், வர்த்தக சேவையில் ஈடுபட்டுள் ளன.தற்போது இந்தியாவில், ஜெட்  ஏர்வேஸ், ஏர்  இந்தியா, எம்.டி.எல்.ஆர்., ஏர்லைன்ஸ், ஏர்இந்தியன் எக்ஸ்பிரஸ், இண்டிகோ ஏர் லைன்ஸ், புளூடார்ட் ஏவியேஷன், ஜெட்லைட், பாரமவுன்ட் ஏர்வேஸ், ஏர்இந்தியா ரீஜினல், கிங்பிஷர் ஏர்லைன்ஸ், ஸ்பைஸ்ஜெட், ஜெக்சன் ஏர்லைன்ஸ்,  கோ ஏர் ஆகிய விமான நிறுவனங்கள், உள் நாட்டு பயணிகளுக்கு சேவையாற்றி வருகின்றன.

ஆனால் இன்று, பல ஆயிரம் இளைஞர்கள், பைலட் பயிற்சியை முடித்து, வேலைக்காக காத்துக் கிடக்கின்றனர். ஐ.டி., துறையைக் காட்டிலும், வர்த்தக ரீதியான விமானங்களில் பணியாற்றும் பைலட்களுக்கு, சம்பளம் அதிகம். தினசரி லட்சங்களை சம்பளமாக பெறும் வாய்ப்புள்ள, பைலட் பணியில் சேர, ஏராளமான இளைஞர்கள் விரும்புகின்றனர். பைலட் பணிக்கு, முறையான பயிற்சி அவசியம். ஒரு மணி நேரம் பயிற்சி பெற, ஒவ்வொரு பயிற்சியாளரும் 10 முதல் 15 ஆயிரம் ரூபாய் கட்டணம் கட்ட வேண்டும்.

பைலட் பயிற்சியை நிறைவு செய்ய, 25 லட்சம் ரூபாய் வரை, கட்டணமாக செலுத்த வேண்டியுள்ளது. கைநிறைய சம்பளம் கிடைக்கும் என்ற எதிர்பார்ப்போடு, பயிற்சியை நிறைவு செய்த நான்காயிரம் இளைஞர்கள், வேலை இல்லாமல் இருக்கின்றனர்.