உலகளாவிய அளவில் 630 கப்பல்களை கொண்ட பெர்ன்ஹார்டு சல்டே ஷிப் மேனேஜ்மென்ட் கம்பெனியின் தலைமையகம் ஜெர்மனில் உள்ளது.

இதன் பயிற்சி மையங்கள் 11 நாடுகளில் உள்ளன. இந்தியாவில் மும்பையில் இந்த கம்பெனியின் தொழில்நுட்ப தலைமை அலுவலகம் உள்ளது. ஒவ்வொரு ஆண்டும் ஆர்.எல்.இன்ஸ்டிடியூட் ஆப் நாட்டிகல் சயின்ஸ்க்கு வரும் கப்பல் கம்பெனியினர் வளாகத் தேர்வின் மூலம் மாணவர்களை தேர்ந்தெடுப்பர்.
 
இந்த ஆண்டு தேர்விற்கான ஏற்பாடுகளை கப்பல் கம்பெனியின் மும்பை பயிற்சி கண்காணிப்பாளர் புபேந்தர் சிங் மற்றும் கல்லூரி முதல்வர் சுப்பிரமணியன் செய்தனர். மெக்கானிக்கல் இன்ஜினியரிங் பட்டப்படிப்பில் 19 மாணவர்களும், பி.எஸ்சி., மரைன் இன்ஜினியரிங் மாணவர்கள் 33 பேர்களும் வளாகத் தேர்வில் கலந்துகொண்டனர்.

இதற்கான எழுத்துதேர்வு காலையிலும், நேர்முகத்தேர்வு மதியமும் நடந்தது. தேர்ந்தெடுக்கப்படுபவர்களை கம்பெனி நிர்வாகம் பின்னர் அறிவிக்கும்.