தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/கல்விமலர்/செய்திகள்/2,423 கவுரவ விரிவுரையாளர் அரசு கல்லுாரிகளுக்கு அனுமதி

2,423 கவுரவ விரிவுரையாளர் அரசு கல்லுாரிகளுக்கு அனுமதி

2,423 கவுரவ விரிவுரையாளர் அரசு கல்லுாரிகளுக்கு அனுமதி


UPDATED : அக் 08, 2020 12:00 AM

ADDED : அக் 08, 2020 11:09 AM

Follow on GoogleFavourite on Google

UPDATED : அக் 08, 2020 12:00 AM ADDED : அக் 08, 2020 11:09 AM


Follow on Google
அ நிறம் | அளவு

சென்னை:
அரசு கலை மற்றும் அறிவியல் கல்லுாரிகளில், 2,423 கவுரவ விரிவுரையாளர்கள் என்ற, தற்காலிக உதவி பேராசிரியர்களை நியமிக்க, அரசு அனுமதி அளித்துள்ளது.
தமிழகத்தில் செயல்படும், 100க்கும் மேற்பட்ட அரசு கலை, அறிவியல் கல்லுாரிகளில், நிரந்தர ஆசிரியர்கள் தவிர, மற்ற காலி இடங்களில், தற்காலிக ஆசிரியர்களை அரசு நியமித்துள்ளது. கடந்த ஐந்தாண்டுகளாக, கவுரவ விரிவுரையாளர்கள் என்ற பெயரில், தற்காலிக அடிப்படையில், உதவி பேராசிரியர்கள் பணியில் உள்ளனர். இவர்களுக்கு, மாதம் தலா, 15 ஆயிரம் ரூபாய் சம்பளம் வழங்கப்படுகிறது.
ஆண்டுதோறும் விடுமுறை காலம் தவிர மீதம் உள்ள, 11 மாதங்கள் சம்பளம் வழங்கப்படும். இந்த கல்வி ஆண்டில் மொத்தம், 3,443 காலியிடங்களில், தற்காலிக ஆசிரியர்களை நியமிக்க, உயர்கல்வி துறையிடம், கல்லுாரி கல்வி இயக்குனரகம் அனுமதி கேட்டது.
இந்நிலையில், அரசின் நிதி நிலையை கருத்தில் கொண்டு, ஏற்கனவே அனுமதிக்கப்பட்ட, 2,423 இடங்களில் மட்டும், கவுரவ விரிவுரையாளர்களை நியமித்து கொள்ள, அரசு அனுமதி அளித்துள்ளது. இதற்காக, ஆறு மாதங்களுக்கு, 22 கோடி ரூபாய் நிதி ஒதுக்கப்பட்டுள்ளது. இந்த காலியிடங்களில், பல்கலை மானியக்குழுவான, யு.ஜி.சி.,யின் விதிகளின்படி, ஆசிரியர்களை நியமிக்க வேண்டும் என, தமிழக உயர்கல்வி துறை உத்தரவிட்டுள்ளது.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us