சென்னை:
தட்டச்சர் பணிக்கு தேர்வு செய்யப்பட்ட 43 பேருக்கு பணி நியமன ஆணை வழங்குவதன் அடையாளமாக 15 பேருக்கு பணி நியமன ஆணையை துணை முதல்வர் பன்னீர்செல்வம் வழங்கினார்.
நிதித்துறையின் கீழ் செயல்பட்டு வரும் கூட்டுறவு தணிக்கை துறைக்கு டி.என்.பி.எஸ்.சி. வழியே தட்டச்சர் பணிக்கு 11 பேர் தேர்வு செய்யப்பட்டனர்.அவர்களுக்கு பணி நியமன ஆணை வழங்குவதன் அடையாளமாக ஏழு பேருக்கு பணி நியமன ஆணையை துணை முதல்வர் பன்னீர்செல்வம் நேற்று தலைமைச் செயலகத்தில் வழங்கினார்.
அதேபோல் நிதித்துறைக்கு டி.என்.பி.எஸ்.சி. வழியே தட்டச்சர் பணிக்கு 32 பேர் தேர்வு செய்யப்பட்டனர். அவர்களுக்கு பணி நியமன ஆணை வழங்குவதற்கு அடையாளமாக எட்டு பேருக்கு பணி நியமன ஆணையை துணை முதல்வர் வழங்கினார்.இந்நிகழ்ச்சியில் நிதித்துறை செயலர் கிருஷ்ணன் மற்றும் அதிகாரிகள் பங்கேற்றனர்.