மதுரை:
மதுரையில் ஆர்.எல். இன்ஸ்டிடியூட் ஆப் மேனேஜ்மென்ட் ஸ்டடீஸ் (ஆர்.எல்.ஐ.எம்.எஸ்.,), தினமலர் சார்பில் கல்லுாரி களில் சிறப்பாக பணியாற்றிய 72 பேராசிரியர்களுக்கு 'விழுதுகள் - ஸ்ரீ சுப்பலட்சுமி அம்மாள் கல்வி மேலாண்மை 2025' விருது வழங்கப்பட்டது.

ஆராய்ச்சி, கற்பித்தல், புத்தாக்க சிந்தனை உள்ளிட்ட பல்வேறு பிரிவு களில் சிறந்து விளங்கும் கல்லுாரி பேராசிரியர் களுக்கு 'விழுதுகள் - ஸ்ரீ சுப்பலட்சுமி அம்மாள் கல்வி மேலாண்மை 2025' விருதுகள் இந்தாண்டு முதன் முறையாக வழங்கப்பட்டது.

இதன்படி பல்வேறு மாவட்டங்களில் சிறப்பாக பணியாற்றிய பேராசிரியர்கள் 72 பேர் தேர்வு செய்யப்பட்டனர். அவர்களுக்கு ஆர்.எல்.ஐ.எம்.எஸ்.,ல் நேற்று நடந்த விழாவில், இவ்விருதுகளை எம்.எஸ்.செல்லமுத்து மனநல மறுவாழ்வு நிலைய ஆராய்ச்சி இயக்குநர் கண்ணன் வழங்கினார்.

அவர் பேசுகையில், விருது பெற்றோர் மேலும் சமூகத்திற்கான பங்களிப்பை பன்மடங்கு தொடர வேண்டும் என்றார். விழாவிற்கு ஆர்.எல்.ஐ.எம்.எஸ்., இயக்குநர் சுப்பிரமணியன் முன்னிலை வகித்தார். பேராசிரியர் புகழேந்தி வரவேற்றார். பேராசிரியர் அபிரகாம் பிரதீப் நன்றி கூறினார்.