சென்னை:
பள்ளி மாணவ - மாணவியருக்கான கோடைக்கால இலவச வாலிபால் பயிற்சி முகாம், எழும்பூரில் இம்மாதம், 29ம் தேதி துவங்குகிறது.

நெல்லை பிரண்ட்ஸ் வாலிபால் கிளப் சார்பில், 40வது ஆண்டு, பள்ளி மாணவ, மாணவியருக்கான கோடைக்கால இலவச வாலிபால் பயிற்சி முகாம், இம்மாதம் 29ம் தேதி துவங்குகிறது. முகாம், எழும்பூரில் உள்ள மேயர் ராதாகிருஷ்ணன் அரங்கில் உள்ள வாலிபால் மைதானத்தில், காலை 6:30 மணிக்கு துவங்குகிறது.

இதில், 12 முதல் 17 வயதிற்கு உட்பட்டோர் பங்கேற்கலாம். பங்கேற்க விரும்புவோர், 93822 07524 என்ற எண்ணில் தொடர்பு கொள்ளலாம் என, கிளப் செயலர் ஜெகதீசன் நேற்று தெரிவித்தார்.