காலை 7 மணி முதலே மாணவர்களும், பெற்றோர்களும் அண்ணா பல்கலைக் கழக அரங்கிற்கு வந்து விட்டனர். கலந்தாய்வில் பங்கேற்கும் மாணவர்கள், ஒருவருக்கு ஒருவர் கலந்தாலோசித்துக் கொண்டிருந்தனர்.

அண்ணா பல்கலை அரங்கில் பொதுபிரிவு கவுன்சிலிங் முறைப்படி துவக்கி வைக்கப்பட்டது. கலந்தாய்வில் முதலிடம் பெற்ற மாணவன் எம்.ஐ.டி.,யில் ஏரோநாட்டிக்கல் பாடத்தை தேர்வு செய்தார்.

இன்று காலை 9 மணிக்கு 199.75 கட்-ஆப் மதிப்பெண் எடுத்தவர்களுக்கும், 3 மணிக்கு 199.50 கட்-ஆப் மதிப்பெண் எடுத்தவர்களும், 4.30 மணிக்கு 199.25 கட்-ஆப் மதிப்பெண்ணிற்கும், 6 மணிக்கு 199.00 கட்-ஆப் மதிப்பெண்ணிற்கும் கலந்தாய்வு நடைபெறுகிறது

பொதுப்பிரிவு கவுன்சிலிங், இன்று துவங்கி ஆகஸ்ட் 11ம் தேதி வரை நடக்கிறது. இதில், ஒரு லட்சத்திற்கும் மேற்பட்ட மாணவர்கள் கலந்து கொள்கின்றனர்.

பொறியியல், ரேங்க் பட்டியலில் முன்னணி இடங்களைப் பிடித்த பல மாணவர்கள், ஏற்கனவே மருத்துவப் படிப்புகளை தேர்வு செய்து விட்டனர். மருத்துவ படிப்புகளை தேர்வு செய்யாத மாணவர்கள், இன்றைய கவுன்சிலிங்கில் பங்கேற்பர்.

அண்ணா பல்கலையில் பொது பிரிவு மாணவர்களுக்கான கலந்தாய்வுக்கான விவரம் அறிய http://www.annauniv.edu/tnea2011/counschph1.pdf தளத்தைப் பார்க்கவும். மேலும், எந்தெந்த கல்லூரிகளில் எந்தெந்த படிப்புகளுக்கு எத்தனை இடங்கள் உள்ளன என்பது பற்றிய விவரங்களை உடனுக்குடன் அறிந்து கொள்ள http://www.annauniv.edu/tnea2011/ தளத்தை பார்க்கவும்.