உயர் நீதிமன்ற தீர்ப்பில் தலையிட இயலாது என உச்ச நீதிமன்ற நீதிபதிகள் தஙகள் தீர்ப்பில் திட்டவட்டமாகத் தெரிவித்துள்ளனர். மேலும், உயர் நீதிமன்றத்தின் தீர்ப்பை எதிர்த்து தமிழக அரசு தாக்கல் செய்த மேல் முறையீட்டு மனுவை தள்ளுபடி செய்தும் நீதிபதிகள் உத்தரவிட்டுள்ளனர்.

உச்ச நீதிமன்ற நீதிபதிகள் பாஞ்சால், தீபக் வர்மா, செளஹான் ஆகியோர் அடங்கிய பெஞ்ச் இந்த தீர்ப்பை வழங்கியுள்ளது. மேலும், சமச்சீர் கல்வி விசாரணையில் அனைத்து தரப்பு வாதங்களையும் கேட்டறிந்து 25 காரணங்களை முக்கியமானதாகக் கருத்தில் கொண்டு அவற்றை அடிப்படையாக வைத்து இந்த தீர்ப்பு அளிக்கப்பட்டுள்ளதாக நீதிபதி  செளஹான் கூறினார்.

இதையடுத்து தமிழகத்தில் அனைத்து பள்ளிகளிலும் ஒன்று முதல் 10ம் வகுப்பு வரையான அனைத்து வகுப்புகளுக்கும் சமச்சீர் கல்வி முறை அறிமுகமாவது உறுதியாகியுள்ளது.