ராமநாதபுரம்: மாநில அளவில் நடைபெறவுள்ள டேக்வாண்டோ போட்டியில், தமிழக அணி சார்பில் பங்கேற்கும் மாணவிகளுக்கான தேர்வு போட்டி இன்று முதல் நவ.,7 வரை, ராமநாதபுரம் சீதக்காதி சேதுபதி விளையாட்டு அரங்கில் நடைபெறுகிறது.

மாவட்ட உடற்கல்வி ஆய்வாளர் பிரசாத் கூறியதாவது: இந்திய பள்ளிகளுக்கான விளையாட்டு குழுமம் சார்பில், தேசிய அளவிலான மகளிர் டேக்வாண்டோ தேர்வு போட்டிகள், நவ.,19 முதல் 23ம் தேதி வரை மத்திய பிரதேசம் ஜபல்பூரில் நடக்கிறது.

இதில், பங்கேற்க உள்ள தமிழக அணி தேர்வு போட்டிகள் இன்று முதல் நவ., 7 வரை ராம நாதபுரத்தில் நடக்கிறது. இன்று 14 வயது பிரிவு, நாளை 17வயது பிரிவு, நவ.,7ல் 19 வயது பிரிவினருக்கான தேர்வு நடக்கிறது, என்றார்.