அகமதாபாத்: தேசிய பள்ளிகள் விளையாட்டு குழுமம் சார்பில் தேசிய பள்ளிகளுக்கு இடையிலான நீச்சல் போட்டிகள் குஜராத்தில் நடந்தன.

14 வயது பிரிவில் மதுரை வீராங்கனைகள் வெற்றி பெற்றனர். 100 மீட்டர் பிரீஸ்டைல் போட்டியில் பவிகா துகார் தங்கப் பதக்கம், 200 மற்றும் 400 மீட்டர் பிரீஸ்டைல் போட்டிகளில் வெண்கல பதக்கங்களை வென்றார்.

200 மீட்டர் பிரீஸ்டைல் போட்டியில் பிரியங்கா வெண்கலம் வென்றார். 4x100 மீட்டர் பிரீஸ்டைல் போட்டியில் பவிகா துகார், பிரியங்கா, ஸ்வேதா, தேவி மகராசி வெண்கல பதக்கங்களை வென்றனர்.