சென்னை:
குரூப் - 4 தேர்வுக்கான இலவச பயிற்சி வகுப்புகள், மாவட்ட வேலை வாய்ப்பு அலுவலகங்களில் நடத்தப்படும் என, வேலைவாய்ப்பு மற்றும் பயிற்சித்துறை கமிஷனர் சுந்தரவல்லி கூறியுள்ளார்.அவர் வெளியிட்டுள்ள செய்திக்குறிப்பு:
மாவட்ட வேலை வாய்ப்பு மற்றும் தொழில் நெறி வழிகாட்டும் மையங்களில் உள்ள, தன்னார்வ பயிலும் வட்டங்கள் வழியாக, போட்டி தேர்வுகளுக்கு இலவச பயிற்சி வகுப்புகள் நடத்தப்படுகின்றன.தற்போது, அரசு பணியாளர் தேர்வாணையம் சார்பில், குரூப் - 4 தேர்வுக்கான அறிவிப்பு வெளியிடப்பட்டுள்ளது. இத்தேர்வுக்கான இலவச பயிற்சி வகுப்புகள், அனைத்து மாவட்ட வேலை வாய்ப்பு மைய அலுவலகங்களிலும், சிறந்த மற்றும் தொழில்நெறி வழிகாட்டும் பயிற்றுனர்கள் வாயிலாக வைத்து நடத்தப்பட உள்ளது.இதில் மாணவ, மாணவியர் பங்கேற்று பயிற்சி பெறலாம்.இவ்வாறு அதில் கூறப்பட்டுள்ளது.