மதுரை:
மாணவர்கள் தங்களது கல்வித் திறனை மதிப்பிட்டு, போட்டித் தேர்வுகளுக்கான தயார் நிலையை மேம்படுத்த உதவும் ஆகாஷ் நேஷனல் டேலண்ட் ஹன்ட் எக்ஸாம் 2026 தேர்வை மதுரையில் ஆகாஷ் எஜுகேஷனல் சர்வீசஸ் லிமிடெட், அறிமுகப்படுத்தியது.

கடந்த 16 ஆண்டுகளாக நடத்தப்பட்டு வரும் ANTHE மூலம் இது வரை ஒரு கோடிக்கும் மேற்பட்ட மாணவர்கள் பயனடைந்துள்ளனர். பாட அறிவு, திறனறிவு மற்றும் பகுப்பாய்வுத் திறன் உள்ளிட்ட பல்வேறு அம்சங்களை மதிப்பிடும் வகையில் இந்தத் தேர்வு வடிவமைக்கப்பட்டுள்ளது.

நீட் யுஜி 2026ல் ஆகாஷின் டாப் 100 தரவரிசையில் இடம்பெற்ற 41 மாணவர்களில் 31 பேரும், JEE Advanced 2026 Top 100ல் இடம்பெற்ற 11 மாணவர்களில் 7 பேரும் முன்பு ANTHE மூலம் தகுதி பெற்றவர்கள் என AESL தெரிவித்துள்ளது.

ANTHE 2026 தேர்வு 5 முதல் 12ஆம் வகுப்பு வரையிலான மாணவர்களுக்கு திறந்திருக்கும். ஆன்லைன் தேர்வு அக்டோபர் 27 முதல் நவம்பர் 1, 2026 வரையும், ஆஃப்லைன் தேர்வு அக்டோபர் 11, 25 மற்றும் நவம்பர் 1 ஆகிய தேதிகளிலும் நடைபெறும்.

தேர்வில் சிறப்பாகச் செயல்படும் தகுதியான மாணவர்களுக்கு 100% வரையிலான கல்வி உதவித்தொகையும், மொத்தம் ரூ.2.5 கோடி மதிப்பிலான ரொக்கப் பரிசுகளும் வழங்கப்பட உள்ளன.

ஒவ்வொரு பங்கேற்பாளருக்கும் வழங்கப்படும் ANTHE நுண்ணறிவு அறிக்கை மூலம் அவர்களின் பாடவாரியான பலம் மற்றும் மேம்படுத்த வேண்டிய பகுதிகளை அறிந்துகொள்ள முடியும்.