நொய்டா:
தேசிய கல்விக் கொள்கை செயல்படுத்தப்படும்போது, இந்திய கல்வி முறையில் பெரிய மாற்றத்தை ஏற்படுத்தும், என்று துணை ஜனாதிபதி ஜக்தீப் தன்கர் கூறினார்.

பா.ஜ., சித்தாந்தவாதியும் ஜனசங்க நிறுவனருமான டாக்டர் சியாமா பிரசாத் முகர்ஜிக்கு இன்று நடைபெற்ற பாலிதான் திவாஸ் விழாவில் துணை ஜனாதிபதி ஜக்தீப் தங்கர் அஞ்சலி செலுத்தி, அதை ஒரு வரலாற்றுச் சிறப்புமிக்க நாள் என்று அழைத்தார்.

அதை தொடர்ந்து அமிட்டி பல்கலைக்கழகத்தில் இந்திய பல்கலைக்கழகங்களின் சங்கம் ஏற்பாடு செய்த துணைவேந்தர்களின் 99வது ஆண்டு கூட்டம் மற்றும் தேசிய மாநாட்டின் தொடக்க அமர்வில் ஜக்தீப் தன்கர் கலந்து கொண்டார்.

அதை தொடர்ந்து ஜக்தீப் தன்கர் பேசியதாவது:

30 ஆண்டுகளுக்கும் மேலாக, இந்தக் கொள்கையை வடிவமைப்பதில் லட்சக்கணக்கான மக்களின் கருத்துக்கள் பரிசீலிக்கப்பட்டன, அதன் வாயிலாக ,நமது கல்வியின் களத்தையே உண்மையிலேயே மாற்றிய நிகழ்வு ஒன்று நடந்திருக்கிறது, அது எது என்பதை நான் உங்களுடன் பகிர்ந்து கொள்ள வேண்டும்.

நான் தேசிய கல்விக் கொள்கை 2020 பற்றிக் குறிப்பிடுகிறேன், இந்தக் கொள்கை நமது நாகரிக உணர்வு, உணர்வு மற்றும் நெறிமுறைகளுடன் எதிரொலிக்கிறது, தேசிய கல்விக் கொள்கை செயல்படுத்தப்படும்போது இந்தியாவின் கல்விக் களத்தையே மாற்றும்.

இவ்வாறு ஜக்தீப் தன்கர் பேசினார்.