சேலம்:
தமிழக அரசு, அதன் உதவி பெறும் பள்ளிகளில் படிக்கும் மாணவ, மாணவியர் உயர்கல்விக்கு செல்லும்படி பல்வேறு நடவடிக்கைகள் எடுக்கப்படுகின்றன.

அதன்படி அரசு பள்ளி பிளஸ் 2 மாணவர்களை, உயர்கல்வி போட்டித்தேர்வுகளுக்கு தயார்படுத்த முதல்கட்டமாக கோவை, கடலுார், தர்மபுரி, கள்ளக்குறிச்சி, காஞ்சிபுரம், கன்னியாகுமரி, கரூர், நாகப்பட்டினம், ராணிப்பேட்டை தஞ்சாவூர், நீலகிரி, தேனி, திருப்பத்துார், திருவள்ளூர், ஈரோடு உள்பட, 15 மாவட்டங்களில், வட்டார அளவில், 87 பயிற்சி மையங்கள், அரசு பள்ளிகளில் ஹைடெக் லேப் வசதியுடன் ஏற்படுத்தப்பட்டுள்ளன. இவற்றில் சனிதோறும் போட்டித்தேர்வுக்கு பயிற்சி அளிக்கப்பட உள்ளது. இதற்கு விருப்பத்தேர்வு அடிப்படையில் ஆசிரியர்களுக்கு பயிற்சி வழங்கப்பட்டுள்ளன.