நத்தம் :
நத்தம் அசோக்நகரை சேர்ந்தவர் குழந்தைவேலு. இவரது மகன் கஜய் 14. நத்தம் ராம்சன்ஸ் பள்ளியில் 7-ம் வகுப்பு படிக்கிறார். உலக சாதனை முயற்சிக்காக நேற்று காலை 7:00 மணிக்கு 6 அடி நீளமுள்ள திருவள்ளுவர் படத்தில் 1330 திருக்குறள்களை எழுதும் சாதனையை தனது வீட்டில் தொடங்கினார்.

காலையில் எழத தொடங்கிய மாணவன் இரவு 7 :00மணிக்கு அனைத்து திருக்குறளையும் எழுதி சாதனை படைத்தார். உலக சாதனை முயற்சியில் ஈடுபட்ட மாணவரை நத்தம் பேரூராட்சி தலைவர் சேக் சிக்கந்தர் பாட்சா, ராம்சன்ஸ் பள்ளி தாளாளர் ராமசாமி பாராட்டி நினைவு பரிசு வழங்கினர்.