புதுச்சேரி:
கோரிமேடு, மகாத்மா காந்தி முதுநிலை பல் மருத்துவ நிறுவனத்தில் விக்சித் பாரத் யுவா கனெக்ட் - 2026 என்ற இளைஞர்களுக்கான விழிப்புணர்வு நிகழ்ச்சி நடந்தது.

நிகழ்ச்சிக்கு, கல்லுாரி முதல்வர் கென்னடி பாபு தலைமை தாங்கினார். சிறப்பு அழைப்பாளராக 'யூத் ஐகான்' மவுனிஷா கலந்து கொண்டு தேசிய ஒற்றுமையையும் நாட்டின் முன்னேற்றத்தில் இளைஞர்களின் பங்கினையும் வலுப்படுத்தும் வண்ணம் வரலாற்று நிகழ்வுகளை பகிர்ந்தார்.

இந்தியாவின் சாதனைகள், பொருளாதார வளர்ச்சி, சமூக முன்னேற்றம், 2047ம் ஆண்டுக்குள் இந்தியாவை முன்னேற்ற நாடாக உருவாக்க இளைஞர்கள் மீதிருக்கும் பொறுப்பை எடுத்துரைத்தார்.

இதில், மாணவர்கள் ஆர்வத்துடன் கலந்து கொண்டு கேள்விகள் எழுப்பி கலந்துரையாடினர்.

நாட்டு நலப்பணி திட்ட அலுவலர் லெனின், ஒருங்கிணைப்பாளர் இளங்குமரன், ஆசிரியர்கள் மற்றும் மாணவர்கள் கலந்து கொண்டனர்.

தொடர்ந்து, மத்திய பட்ஜெட் 2026 குறித்த விழிப்புணர்வு வினாடி வினாவில் மாணவர்கள் ஆர்வமுடன் பங்கேற்றனர்.