சென்னை:
வி.ஐ.டி., பல்கலையில், 2027ம் கல்வியாண்டுக்கான பி.டெக்., மாணவர் சேர்க்கை நுழைவுத் தேர்வு விண்ணப்ப பதிவு தொடங்கி உள்ளது.

இது குறித்து, வி.ஐ.டி., வேந்தர் கோ.விஸ்வநாதன் வெளியிட்ட செய்திக்குறிப்பு:

வி.ஐ.டி., பல்கலையின் வேலுார், சென்னை, அமராவதி, போபால் வளாகங்களில், 2027ம் கல்வியாண்டுக்கான பி.டெக்., இன்ஜினியரிங் பட்டப் படிப்புக்கான மாணவர் சேர்க்கை நுழைவுத் தேர்வு, 'ஆன்லைன்' விண்ணப்ப பதிவு தொடங்கி உள்ளது.

மாணவர்கள், https://viteee.vit.ac.in என்ற, இணையதளம் வழியே, அடுத்த ஆண்டு மார்ச் 31ம் தேதிக்குள் விண்ணப்பிக்கலாம். நுழைவுத் தேர்வு ஒரே கட்டமாக, அடுத்த ஆண்டு ஏப்., 28ம் தேதி முதல் மே 2ம் தேதி வரை நடக்கும். இந்தியாவில் 133 நகரங்கள், வெளிநாடுகளில் 9 தேர்வு மையங்களில் தேர்வு நடத்தப்படும்.

இவ்வாறு அதில் கூறப்பட்டுள்ளது.