அமெரிக்காவின் கலிபோர்னியாவில் இந்திய வம்சாவளியைச் சேர்ந்த 10 லட்சம் பேர் வசிக்கின்றனர். அங்கு ஹிந்துக்கள் பண்டிகையான தீபாவளியை அரசு விடுமுறையாக அறிவிக்கவேண்டும் என்பது நீண்டநாள் கோரிக்கை இருந்து வந்தது. கடந்த மாதம் கலிபோர்னியாவின் சட்டசபையின் இரு சபைகளிலும் தீபாவளியை அரசு விடுமுறையாக அறிவிக்கும் மசோதா நிறைவேற்றப்பட்டது.

இதைத்தொடர்ந்து தீபாவளியை அதிகாரப்பூர்வ விடுமுறையாக அறிவிக்கும் மசோதாவுக்கு கவர்னர் கவின் நியூசம் ஒப்புதல் அளித்து கையெழுத்திட்டார். இதன்படி, தீபாவளியை ஒட்டி, அரசு பொது கல்லூரிகள், பள்ளிகள் மற்றும் நிறுவனங்களில் பணியாற்றும் ஊழியர்களுக்கும் ஊதியத்துடன் விடுமுறை வழங்க முடியும்.இதற்கு முன்பு 2024ல் பென்சில்வேனியாவிலும், இந்தாண்டின் முற்பகுதியில் கனெக்டிகட் மாகாணங்கள் தீபாவளியை அரசு விடுமுறையாக அறிவித்துள்ளன.