மாநிலத் துணைத் தலைவர், தமிழக பா.ஜ.,

தமிழகத்தில் எப்போதெல்லாம் தி.மு.க., ஆட்சிக்கு வருகிறதோ அப்போதெல்லாம் ஜாதிய வன்முறைகள், வன்கொடுமைகள், படுகொலைகள், ஆணவ படுகொலைகள் அதிகமாகவே நடக்க ஆரம்பிக்கும். ஜாதிய ஆதிக்க எள்ளல் பேச்சுகள், கிண்டல், அருவருப்பான பேச்சுகள் என, பட்டியல் சமூகத்தவரை நோக்கி கட்டுக்கடங்காமல் பேசப்படும்.

இப்பேச்சுகளுக்கு எதிராக தி.மு.க., என்றுமே கண்டனக்குரல் கொடுக்காது. தி.மு.க., அரசும் எந்தவித நடவடிக்கையும் எடுக்காது.

பொது தொகுதி

தனித்தொகுதியில் மட்டும்தான் பட்டியல் சமூகத்தவர் நிற்க தகுதி பெற்றவர் என்று, தி.மு.க., இன்றுவரை நிரூபித்து வருகிறது. அதனால் தான் பெரம்பலுார் தொகுதி தனித்தொகுதியாக இருக்கும்போது, ஆ.ராஜாவை தேர்தலில் போட்டியிட அனுமதித்தவர்கள், அது பொதுத்தொகுதியாக மாறியவுடன் தனித்தொகுதியாக இருந்த நீலகிரிக்கு அவரை துரத்திவிட்டனர். அதாவது, எவ்வளவு பெரிய அறிவாளியாக இருந்தாலும் கூட, பட்டியல் சமூகத்தவர் பொதுத்தொகுதிக்கு ஆசைப்படக் கூடாது என்ற கருணாநிதியின் மனநிலையை முதல்வர் ஸ்டாலினும் கடைப்பிடிக்கிறார்.

அநாகரிக பேச்சுகள்

இது போன்ற அநாகரிகப் பேச்சுகள் பட்டியல் சமூகத்தவரை மிக கேவலப்படுத்துவதும்; கொச்சைப்படுத்துவதும், மற்ற ஆதிக்க ஜாதிகளுக்கு மிகுந்த பலத்தை கொடுக்கக் கூடியதும் ஆகும். ஆனால், தி.மு.க., தலைவர் ஸ்டாலின் இதற்காக ஆர்.எஸ். பாரதியை கண்டிக்கவில்லை; நடவடிக்கையும் எடுக்கவில்லை.

இதே போல், இன்னொரு சம்பவம், 2020ல் நடைபெற்றது. தி.மு.க., - எம்.பி.,க்கள் டி.ஆர்.பாலு, தயாநிதி, தமிழச்சி தங்கபாண்டியன், கலாநிதி ஆகிய நான்கு பேரும், தலைமை செயலகத்திற்கு சென்று, அப்போதைய தலைமை செயலரை சந்தித்து மனுக்களை அளித்து, வெளியில் வந்து பேட்டி கொடுத்தனர். அப்போது பத்திரிகையாளர்களிடம் பேசிய தயாநிதி, 'தலைமை செயலர் எங்களை அவமதிக்கும் வகையில் நடந்துகொண்டார். நாங்கள் என்ன தாழ்த்தப்பட்டவர்களா? தலைமைச் செயலர் எங்களை அவமதிப்பதற்கு' என்று பொதுவெளியில் கேள்வி கேட்டார்.

இதன் பொருள் என்ன?

ஜாதிவெறி

நான் உயர்ஜாதி, மற்றவர்கள் கீழ்ஜாதி என்ற மனநிலையில் பேசப்பட்டது இப்பேச்சு. இது பற்றி தி.மு.க.,வின் தலைவர் ஸ்டாலின் எந்தவித முணுமுணுப்பும் இல்லாமல் கே.கே.எஸ்.எஸ்.ஆர்., கருத்தை ஏற்றுக்கொண்டார். ஒரு கண்டனமும் இல்லை. இது போன்ற பேச்சுகள்தான் சமூகத்தில் பட்டியல் சமூகத்தவரை பற்றிய மோசமான பிம்பத்தை உருவாக்குகின்றன.

பேச்சுகள் என்ன செய்யும்?

இதன் விளைவாக, மற்ற ஆதிக்க ஜாதியினரும் பட்டியல் சமூகத்தவரை மிக மோசமான வார்த்தைகளால் கொச்சைப்படுத்தி வருகின்றனர். தி.மு.க., ஆட்சிக்கு வந்ததில் இருந்தே இதுபோன்ற பேச்சுகள் அதிகரித்து இருக்கின்றன. இதை தடுக்க வேண்டுமானால் இதுபோன்று பேசுபவர்கள் மீது கடுமையான நடவடிக்கை எடுக்கப்பட வேண்டும். ஆனால் தி.மு.க., ஒருபோதும் நடவடிக்கை எடுக்காது. நடவடிக்கை எடுக்க வேண்டுமானால், ஆட்சி மாற்றம் ஒன்றே தீர்வு.

venkiambeth@gmail.com