மேகவெடிப்பு என்றால் என்ன?

சென்னைக்கு அருகில் இருக்கும் மேலடுக்கு காற்றின் சுழற்சியால் ஒரு குவிதல் உருவானது. பொதுவாகவே காற்று குவிதல் இருக்கும் தருணங்களில் மேகக்குவியல்கள் காற்றுக்குவியல்களை நோக்கி வரும். அப்போது மழையின் தன்மை மிகையாக கருதப்படும். இதுதான் சென்னையில் நேற்று நிகழ்ந்த வானிலை மாற்றம். நேற்றும், அதற்கு முந்தைய நாளும் சென்னையில் காற்றுக்குவிதல், காற்றுச்சுழற்சி இருந்தது. ஒரு மணி நேரத்தில் 10 செமீ.க்கு (100மிமீ) மேல் மழை பதிவானால் மட்டுமே மேகவெடிப்பாக கருதப்படுகிறது. ஆனால் இப்படி ஒரு தருணம் சென்னையில் நேற்று 3 முதல் 4 மணிநேரம் நீடித்தது. அதுவே மேக வெடிப்பு இல்லை என்பதற்கான காரணமாக அறியலாம். பெரும்பாலும் இதுபோன்ற நிகழ்வுகளுக்கு கடல் வெப்பம் ஒரு காரணம் ஆகும். வங்கக்கடலில் 31 டிகிரி செல்சியஸ் கடல் வெப்பம் இருக்கிறது. அதிக வெப்பம் இருந்தால் அதிக ஈரப்பதமும், அதன் தொடர்ச்சியாக அதிக மழையும் கிடைக்கும். பசிபிக் பெருங்கடல் மட்டுமல்லாது, இந்திய பெருங்கடலிலும் கடலின் வெப்பம் தற்போது அகிகமாகவே இருக்கிறது. இதுவே கனமழை என்ற நிகழ்வை அதிகனமழை நிகழ்வாக மாற்றுகிறது.