அமெரிக்காவின் மிசோரி மாகாணம் பேட்ஸ் நகரில் உள்ள விமான நிலையத்தில் இருந்து சிறிய ரக விமானம் புறப்பட்டது. வானத்தில் இருந்து குதித்து சாகசம் செய்யும் ஸ்கை டைவிங் வீரர்கள் ஏற்றி சென்ற விமானம் திடீரென வயல்வெளியில் கீழே விழுந்து நொறுங்கி விபத்தில் சிக்கியது. இந்த விமான விபத்தில் 12 பேர் உயிரிழந்தனர்.

வயல்வெளியில், புகை மண்டலத்தால் சூழப்பட்டு கிடக்கும் விமானத்தின் காட்சிகள் இணையதளத்தில் வெளியாகியுள்ளது. விபத்து குறித்த தகவல் அறிந்ததும் விரைந்து சென்ற மீட்புக்குழுவினர் உயிரிழந்தவர்களின் உடல்களை மீட்டு பிரேத பரிசோதனைக்கு அனுப்பி வைத்தனர். இந்த விபத்துக்கான காரணம் குறித்து அதிகாரிகள் விசாரணை நடத்தி வருகின்றனர்.