பா.ஜ.,வோ ஆட்சியை விட்டு கொடுக்க கூடாது என்பதில் குறியாக உள்ளது; இதற்காக, அனைத்து முயற்சிகளையும் எடுத்து வருகிறது. மஹாராஷ்டிரா அரசியல்வாதிகள் தேவேந்திர பட்னவிஸ், நிதின் கட்கரி உட்பல பலருக்கு ரஜினிகாந்த் மிகவும் நெருக்கம்.

இதனால், மஹாராஷ்டிரா தேர்தல் பிரசாரத்திற்கு ரஜினியை அழைக்க முயற்சிகள் நடந்து வருகிறதாம்; அமித் ஷா இதற்கான வேலைகளில் இறங்கியுள்ளாராம். பிரதமர் மோடியின் அனுமதியுடன் தான் இதெல்லாம் நடைபெறுகிறதாம்.

மும்பையில், தமிழர்கள் அதிகம் வசிக்கும் தாராவியில், ரஜினி தமிழில் பிரசாரம் செய்ய வேண்டும் என பா.ஜ., தலைவர்கள் விரும்புகின்றனர்.

இதைத் தவிர மற்ற இடங்களில் மராட்டியிலும், ஹிந்தியிலும் பிரசாரம் செய்ய வேண்டும்; இது அமித் ஷாவின் ஆசை. இதற்கு ரஜினி ஒத்துக்கொள்வாரா?