ஆனால், தற்போது பீஹார் மக்களிடையே இவருடைய புகழ் மங்கி வருகிறது. இவருடைய தேர்தல் பிரசாரத்திற்கு கூட்டம் வருவதில்லை. அத்துடன், இவருடைய பிரசாரம் உற்சாகத்தை ஏற்படுத்தவில்லை. மக்களிடையே பெரும் ஆதரவைப் பெற்றிருந்த நிதீஷ், இப்போது பரிதாப நிலையில் இருக்கிறார்.

நிதீஷ் கட்சியின் ஓட்டு வங்கி எனப்படுவது, மகா தலித் மற்றும் பொருளாதார நிலையில் பின்தங்கியுள்ள பிற்பட்ட வகுப்பைச் சார்ந்தவர்கள். ஆனால், மோடி இங்கு பிரபலமாக உள்ளார். மத்திய அரசின் பல நலத் திட்டங்கள், பீஹார் கிராமங்களில் குறிப்பாக, பெண்களிடையே பலத்த வரவேற்பை பெற்றுள்ளன.

இதனால், பா.ஜ.,விற்கு பீஹாரில் எந்த பின்னடைவும் ஏற்படாது. 'நிதீஷுக்கு மக்களிடையே வரவேற்பு இல்லாவிட்டாலும், மும்முனை போட்டி காரணமாக, இவருடைய கட்சிக்கும் பிரச்னை இருக்காது' என, சொல்லப்படுகிறது.

மேலும், 'இதற்கு முன் நடந்த தேர்தல்களில், நிதீஷை நம்பியிருந்தது பா.ஜ., ஆனால், தற்போதைய நிலைமை மாறி விட்டது; மோடியை நம்பி தான், நிதீஷின் வெற்றி உள்ளது' என்கின்றனர் பா.ஜ.,வினர்.