பா.ஜ., பார்லிமென்ட் கமிட்டி கூட்டத்தில் பிரதமரும், காங்., கூட்டத்தில், கட்சியின் பார்லிமென்ட் குழு தலைவரான சோனியாவும் பேசுவர். சமீபத்தில் நடைபெற்ற காங்., கூட்டத்தில் பேசிய சோனியா, 'நடக்கவிருக்கும் மஹாராஷ்டிரா உட்பட சில மாநில சட்டசபை தேர்தல்களில் நம் கூட்டணி நிச்சயம் வெற்றி பெறும்; பா.ஜ.,வின் சரிவு ஆரம்பித்து விட்டது' என பேச, எம்.பி.,க்கள் மேஜைகளைத் தட்டி ஆரவாரம் செய்தனர்; சோனியாவிற்கோ ஏகப்பட்ட சந்தோஷம்.

இதைத் தொடர்ந்து, 'நேஷனல் ஹெரால்ட் சம்பந்தப்பட்ட வழக்கில் நம் கட்சி எந்தவித தவறும் செய்யவில்லை. அமலாக்கத்துறை மற்றும் சி.பி.ஐ., போன்ற அமைப்புகளை வைத்து, எங்களை மிரட்டப் பார்க்கிறார் மோடி; இதெற்கெல்லாம் அஞ்ச மாட்டோம்' என, கோபமாக பேசினாராம் சோனியா. உடனே, அம்மாவின் பக்கத்தில் சென்று அவரை தட்டிக் கொடுத்து,'கோபப்பட வேண்டாம்; அமைதியாக இருங்கள்' என கூறினாராம் ராகுல். இதைப் பார்த்து நெகிழ்ந்து போயினர், காங்., - எம்.பி.,க்கள்.

இதையடுத்து தான், 'அமலாக்கத்துறை என் வீட்டை ரெய்டு செய்யப் போகின்றனர்; அதற்காக, அவர்களுக்கு டீ, பிஸ்கட்டுடன் காத்திருக்கிறேன்' என, ராகுல் கூறியிருக்கிறார்.