இந்த மாநாட்டின்போது, இந்தியா மற்றும் ரஷ்யா இடையேயான இருதரப்பு உறவுகளை மேலும் வலுப்படுத்தும் நோக்கில், வணிகம், பாதுகாப்பு மற்றும் உலகளாவிய பிரச்னைகள் குறித்த முக்கிய ஆலோசனைகளும் நடைபெற உள்ளன.

நான்கு ஆண்டுகளுக்கு பின், புடின் இந்தியா வருவதால் டில்லி பரபரப்பாக உள்ளது. உலகிலேயே இரண்டு தலைவர்களுக்கு தான் அதிக பாதுகாப்பு; ஒன்று அமெரிக்க அதிபர், மற்றொன்று ரஷ்ய அதிபர்.

இதனால் டில்லியின் பாதுகாப்பு ஏற்பாடுகள் தீவிரமாக உள்ளன. உள்துறை அமைச்சர் அமித் ஷா மற்றும் தேசிய பாதுகாப்பு ஆலோசகர் அஜித் தோவல் ஆகியோர் பாதுகாப்பு ஏற்பாடுகளை கண்காணித்து வருகின்றனர்.

புடின் பாதுகாப்பிற்காக, குண்டு துளைக்காத 25 கார்கள் ரஷ்யாவிலிருந்து டில்லி வந்துள்ளன; அத்துடன் ரஷ்ய அதிபரின் பாதுகாப்பு வீரர்களும் வந்துள்ளனர். இவர்கள் டில்லி போலீஸ் மற்றும் உளவுத்துறை அமைப்புகளுடன் இணைந்து, புடின் பாதுகாப்பு ஏற்பாடுகளை பார்வையிட்டு வருகின்றனர்.