இவர்களைத் தவிர ஒரு தமிழ் பெண்மணியும் பிரியங்காவை எதிர்த்து போட்டியிடுகிறார். அவர் ஒரு தமிழ் சீக்கிய பெண்மணி; பெயர் சீதா கவுர். சீக்கிய உடையில், நீல நிற தலைப் பாகையுடன் வலம் வருகிறார்; 52 வயதாகும் இவருக்கு இரண்டு குழந்தைகள். பகுஜன் திராவிட கட்சியைச் சேர்ந்தவர் சீதா. பகுஜன் சமாஜ் கட்சியின் நிறுவனர் கான்ஷிராமின் கொள்கைகளை பின்பற்றும் இந்த கட்சியின் நோக்கம், பட்டியலின மக்களின் முன்னேற்றம்.

நடந்து முடிந்த லோக்சபா தேர்தலில் தென்காசி தொகுதியில் போட்டியிட்டவர் சீதா. இவருடைய கணவர் ராஜன் சிங், கன்னியாகுமரியில் போட்டி யிட்டார். இந்த கட்சியின் தலைவர், ஜீவன் சிங் மில்கா; உச்ச நீதிமன்ற வழக்கறிஞர்.