தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/ப்ரீமியம்/ பா.ஜ., 'சிட்டிங்' தொகுதிகளை கைப்பற்ற தி.மு.க., வியூகம்

 பா.ஜ., 'சிட்டிங்' தொகுதிகளை கைப்பற்ற தி.மு.க., வியூகம்

 பா.ஜ., 'சிட்டிங்' தொகுதிகளை கைப்பற்ற தி.மு.க., வியூகம்


UPDATED : பிப் 17, 2026 02:33 PM

ADDED : பிப் 16, 2026 03:00 AM

Follow on GoogleFavourite on Google

UPDATED : பிப் 17, 2026 02:33 PM ADDED : பிப் 16, 2026 03:00 AM


Follow on Google
Latest Tamil News
அ நிறம் | அளவு

- நமது நிருபர் -

கடந்த 2021 சட்டசபை தேர்தலில், பா.ஜ., வென்ற நான்கு தொகுதிகளை கைப்பற்ற, தி.மு.க., வியூகம் அமைத்து வருகிறது. அதை முறியடிக்க, பா.ஜ.,வும் தயாராகி வருகிறது.

கடந்த 2021 தேர்தலில், அ.தி.மு.க., கூட்டணியில், 20 தொகுதிகளில் போட்டியிட்ட பா.ஜ., நான்கு தொகுதிகளை கைப்பற்றியது. நாகர்கோவிலில் காந்தி, திருநெல்வேலியில் நயினார் நாகேந்திரன், கோவை தெற்கில் வானதி, மொடக்குறிச்சியில் சரஸ்வதி ஆகியோர் வெற்றி பெற்றனர்.

வரும் சட்டசபை தேர்தலில், அ.தி.மு.க., கூட்டணியில், 40 தொகுதிகளில் போட்டியிட பா.ஜ., விரும்புகிறது. நான்கு 'சிட்டிங்' தொகுதிகள் உட்பட, பா.ஜ., போட்டியிடும் தொகுதிகள் அனைத்திலும், அக்கட்சியை தோற்கடிக்க, தி.மு.க., தேர்தல் வியூகம் அமைத்துள்ளது.

தி.மு.க., அமைச்சர்கள் மீதான வழக்கு, வருமான வரித்துறை, அமலாக்கத்துறை சோதனை என, மத்திய பா.ஜ., அரசு அளிக்கும் குடைச்சலால், தி.மு.க., தலைமை கடும் அதிருப்தியில் உள்ளது. எனவே, இம்முறை பா.ஜ.,வுக்கு ஒரு தொகுதி கூட கிடைக்கக் கூடாது என, கட்சியினருக்கு உத்தரவிட்டுள்ளது.

அப்போது தான், தேசிய அளவில், பா.ஜ., செல்வாக்கில் சரிவை ஏற்படுத்தி, தி.மு.க., பலத்தை பறைசாற்ற முடியும். எனவே, பா.ஜ., போட்டியிடும் தொகுதிகளில், முடிந்தவரை தி.மு.க.,வே களமிறங்க முடிவு செய்துள்ளது. மேலும் பல வியூகங்கள் வகுக்கப் பட்டுள்ளன.

திருநெல்வேலி தொகுதியில், முக்குலத்தோர் சமுதாயத்தை விட, பிள்ளைமார் சமுதாய ஓட்டுகள் அதிகம். எனவே, முக்குலத்தோர் சமூகத்தைச் சேர்ந்த நயினார் நாகேந்திரனுக்கு எதிராக, பிள்ளைமார் சமூகத்தைச் சேர்ந்தவரை, வேட்பாளராக நிறுத்த, தி.மு.க., தலைமை முடிவு செய்துள்ளது.

கோவை தெற்கு தொகுதியில், தி.மு.க., மாணவரணி செயலர் ராஜிவ்காந்தி; நாகர்கோவில் தொகுதியில் முன்னாள் அமைச்சர் சுரேஷ்ராஜன்; மொடக்குறிச்சி தொகுதியில் சரஸ்வதிக்கு எதிராக பேரூர் ஒன்றிய தி.மு.க., செயலர் சரவணன் என வேட்பாளர்களாக களமிறக்க, தேர்தல் வியூக நிறுவனம் பரிந்துரைத்துள்ளதாக தகவல் வெளியாகி உள்ளது.

இதற்கிடையே, தி.மு.க.,வின் வியூகத்தை அறிந்துள்ள பா.ஜ., அதை முறியடித்து, அதிக தொகுதிகளில் வெற்றி பெற வேண்டும் என்ற எண்ணத்துடன், காய்களை நகர்த்த துவங்கி உள்ளது.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us