அதில் சிதம்பரம், மயிலாடுதுறை நிர்வாகிகள் பங்கேற்றனர். அமைச்சர்கள் நேரு, எ.வ.வேலு, உதயநிதி, தங்கம் தென்னரசு, அமைப்பு செயலர் ஆர்.எஸ்.பாரதி ஆகியோர் நிர்வாகிகளிடம் கருத்து கேட்டனர்.

அப்போது, சிதம்பரம் தொகுதி தி.மு.க.,வினர் கூறியதாவது: சிதம்பரம் தொகுதியில், தி.மு.க.,வே போட்டியிட்டால் நன்றாக இருக்கும். எந்தவித வேற்றுமைக்கும் இடமளிக்காமல், அதிக ஓட்டு வித்தியாசத்தில் வெற்றி பெற வைப்போம். விடுதலை சிறுத்தைகள் கட்சி தலைவர் திருமாவளவன் மீண்டும் போட்டியிட்டாலும் ஏற்றுக்கொள்வோம். இவ்வாறு அவர்கள் கூறினர்.

மயிலாடுதுறை தொகுதி நிர்வாகிகள் கூறியதாவது: மயிலாடுதுறை தொகுதி வெற்றிக்காக, உழைக்க தயாராக இருக்கிறோம். ஆனால், மயிலாடுதுறை தொகுதியை காங்கிரஸ் விரும்பி கேட்டாலும் கொடுக்கக் கூடாது. தி.மு.க., தான் போட்டியிட வேண்டும். இவ்வாறு அவர்கள் கூறினர்.