ராமநாதபுரம் மாவட்டம், பசும்பொன் கிராமத்தில் உள்ள, முத்துராமலிங்க தேவர் நினைவிடத்தில் அக்.,30ல் குருபூஜை விழா நடக்கிறது. இதில், தமிழக முதல்வர் விஜய் பங்கேற்க திட்டமிட்டிருந்தார். இதற்கான ஏற்பாடுகளை, மாவட்ட நிர்வாகமும் போலீசாரும் செய்து வந்தனர்.

இந்நிலையில், பசும்பொன் செல்லும் முடிவில் இருந்து முதல்வர் விஜய் பின்வாங்கி உள்ளார். அதற்கு உளவுத்துறை எச்சரிக்கையே காரணம் என தகவல் வெளியாகி உள்ளது.

த.வெ.க., நிர்வாகிகள் சிலர் கூறியதாவது: முதல்வர் விஜய் செல்லும் இடங்களில் எல்லாம், அதிகளவில் மக்கள் கூடுகின்றனர். அவர்களை கட்டுப்படுத்த, போலீசார் சிரமப்படுகின்றனர். பசும்பொன்னில், ஆண்டுதோறும் தேவர் குருபூஜை நிகழ்வில், வழக்கமாக லட்சக்கணக்கில் கூட்டம் கூடும்.

அங்கு முதல்வர் செல்லும்போது, கூட்டம் அதிகமாகி, சிறு அசம்பாவிதம் நடந்தாலும், எதிர்க்கட்சிகள் அதனை பெரிதாக்கி அரசியல் செய்யக்கூடும். எனவே, பசும்பொன் பயணத்தை தவிர்க்குமாறு, உயர் போலீஸ் அதிகாரிகள் கோரியுள்ளனர். உளவுத்துறையும், அதே ஆலோசனையை வழங்கியது. அதை ஏற்று, பசும்பொன் பயணத்தை, முதல்வர் விஜய் தவிர்த்து விட்டார். இவ்வாறு அவர்கள் கூறினர்.