'ஹோம் கிரெடிட் இந்தியா' என்ற நிறுவனம், 'இந்தியா எப்படி கடன் வாங்குகிறது' என ஆய்வு நடத்தி அறிக்கை வெளியிட்டுள்ளது.

டில்லி, மும்பை, சென்னை, கோல்கட்டா, பெங்களூரு, ஹைதராபாத், ஆமதாபாத், புனே, கொச்சி உள்ளிட்ட, 17 நகரங்களில், 18 - 55 வயதுக்குப்பட்டோரிடம் இந்த ஆய்வு நடத்தப்பட்டுள்ளது.

ஆய்வறிக்கை விபரம்:

நடப்பு ஆண்டில் ஸ்மார்ட்போன், வீட்டு உபயோகப் பொருட்களுக்காக கடன் வாங்குவது மக்களிடையே அதிகரித்துள்ளது. இந்த தேவைக்காக கடன் வாங்குவது, 2020ல், 1 சதவீதமாக இருந்தது. தற்போது, 37 சதவீதமாக உயர்ந்துள்ளது.

வீட்டு மேம்பாடுகளுக்கான கடன்கள், 2022ல் 9 சதவீதமாக இருந்த நிலையில், தற்போது, 15 சதவீதமாக அதிகரித்துள்ளது.

மருத்துவ அவசர தேவைகளுக்காக கடன் வாங்குவது, நடப்பு ஆண்டில் குறைந்துள்ளது. இது, 2020ல் 7 சதவீதத்தில் இருந்து தற்போது 3 சதவீதமாக சரிவடைந்துள்ளது.

கல்விக்காக கடன் வாங்குவதில் நிலையான போக்கு தொடர்கிற நிலையில், திருமணத்துக்காக கடன் வாங்குவது, 2021ல், 3 சதவீதத்தில் இருந்து, நடப்பு ஆண்டில், 5 சதவீதமாக அதிகரித்துள்ளது.

இவ்வாறு அதில் குறிப்பிடப்பட்டுள்ளது.