காட்டேரிக்குப்பம் சப் இன்ஸ்பெக்டர் தமிழரசன் மற்றம் போலீசார் நேற்று முன்தினம் இரவு திடீர் வாகன சோதனையில் ஈடுபட்டனர். அப்போது, அவ்வழியாக வந்த மினி வேனை தடுத்து நிறுத்தி சோதனை செய்தனர். அதில், 6 சாராயக் கேன்களில் 300 லிட்டர் சாராயம் கடத்தி வந்தது தெரிந்தது.

இதையடுத்து, மினி வேன் மற்றும் சாராயத்தை பறிமுதல் செய்த போலீசார், மினி வேனை ஓட்டி வந்த சந்தை புதுக்குப்பம், இந்திரா காந்தி தெருவை சேர்ந்த டிரைவர் பிரதாப், 30; என்பவரை கைது செய்தனர். கைது செய்யப்பட்ட பிரதாப் மற்றும் பறிமுதல் செய்யப்பட்ட சாராயம், மினிவேனை மேல் நடவடிக்கைக்காக புதுச்சேரி கலால் துறையிடம் ஒப்படைத்தனர்.