திருக்கனுார் அடுத்த கைக்கிலப்பட்டு கிராமத்தில் விஸ்வரூப சஞ்சீவிராய ஆஞ்சநேய சுவாமி கோவில் அமைந்துள்ளது. இக்கோவிலில், 33ம் ஆண்டு மகோற்சவ லட்சதீப விழா நேற்று முன்தினம் நடந்தது.

இதையொட்டி, காலை 7:30 மணிக்கு ஹோமம் லச்சார்ச்சனை, காலை 10:00 மணிக்கு சந்தான காப்பு அலங்காரம் நடந்தது.

முக்கிய நிகழ்வாக, மாலை 4:30 மணிக்கு சீதை, ராமர் திருக்கல்யாண உற்சவமும், மாலை 6:00 மணிக்கு குளக்கரை சுற்றியிலும் லட்ச தீப ஏற்றப்பட்டது.

விழாவில், திரளான பக்தர்கள் மற்றும் பொதுமக்கள் பங்கேற்று சுவாமி தரிசனம் செய்தனர்.