கதிர்காமம் ஆனந்தா நகர் பகுதியை சேர்ந்தவர் முருகன் மகன் சங்கர், 27. இவர், அரசு போட்டித் தேர்வுக்கு தயாராகி வருகிறார். இதற்காக இவர் புதுச்சேரி ரோமன் ரோலன் நுாலகத்திற்கு செல்வது வழக்கம்.

கடந்த 9ம் காலை 11:30 மணிக்கு தனது பல்சர் பைக்கை (பிஒய்01பிஆர்6157) கொம்பங்கி வீதியில் நிறுத்திவிட்டு, நுாலகத்திற்குள் சென்று விட்டார். இரவு 8:30 மணியளவில் திரும்பி வந்து பார்த்தபோது, பைக்கை காணவில்லை. இது குறித்து அவர் அளித்த புகாரின் பேரில், பெரியகடை போலீசார் வழக்கு பதிந்து விசாரித்து வருகின்றனர்.