இது தொடர்பாக, பா.ஜ., மேலிட பொறுப்பாளர் நிர்மல்குமார் சுரானா அதிருப்தி பா.ஜ., - எம்.எல்.ஏ.,க்களை நேரில் சந்தித்து சமாதானப்படுத்தினார். அதை ஏற்காத எம்.எல்.ஏ.,க்கள் அடுத்து உள்துறை அமைச்சர் அமித் ஷாவை சந்தித்து முறையிட உள்ளனர்.

இந்நிலையில் பா.ஜ., - எம்.எல்.ஏ.,க்கள் நேற்று சட்டசபையில் ஒன்று கூடி, அடுத்தகட்ட நடவடிக்கை குறித்து ஆலோசித்தனர். இந்த ஆலோசனை 1 மணி நேரம் நடந்தது.

பா.ஜ., அதிருப்தி எம்.எல்.ஏ.,க்கள் கூறுகையில், 'நாங்கள் பா.ஜ.,வில் தான் உள்ளோம். எங்களது கோரிக்கைகளை பா.ஜ., தலைமையிடம் விரிவாக விளக்கியுள்ளோம். எங்களை உள்ளங்கையில் வைத்து தாங்கச் சொல்லவில்லை. கோரிக்கைகளை நிறைவேற்றக் கூறியுள்ளோம்,' என்றனர்.