புதுச்சேரி பி.எஸ்.என்.எல்., இந்தாண்டு அக்டோபர் மாத இறுதிக்குள் அனைத்து செல்போன் டவர்களையும், 4ஜி சேவையாக மாற்ற நடவடிக்கை எடுத்து வருகிறது.

இதனால் வாடிக்கையாளர் தங்களிடம் உள்ள பழைய 2ஜி, 3ஜி சிம் கார்டுகளை மாற்றி 4ஜி சேவையை பயன்படுத்தி கொள்ளுமாறு கேட்டு கொள்ளப்படுகிறது.

வாடிக்கையாளர்கள் தங்களிடம் உள்ள சிம்கார்டுகள் பற்றி விபரம் அறிந்து கொள்ள 9442824365 என்ற எண்ணிற்கு மிஸ்டு கால் கொடுத்து தெரிந்து கொள்ளலாம்.

எனவே வாடிக்கையாளர்கள் தங்கள் அருகில் உள்ள வாடிக்கையாளர் சேவை மையம் புதுச்சேரி, வில்லியனுார், மேட்டுப்பாளையம் மற்றும் அங்கீகாரம் பெற்ற விற்பனையாளர் மையங்களை அணுகலாம்.

மேலும் மேளா நடைபெறும் மேட்டுப்பாளையம், வில்லியனுார், சேதராபட், ஏம்பலம் சந்திப்பு, கோட்டகுப்பம் இந்தியன் பேங்க் அருகில், அரும்பார்த்தபுரம், கரியமாணிக்கம் சந்திப்பு, முதலியார்பேட் சந்திப்பு ஆகிய இடங்களில் வரும் 9ம் தேதி முதல் 12ம் தேதி வரை நான்கு நாட்கள் புதிய 4ஜி சிம் கார்டை இலவசமாக மாற்றிக் கொள்ளலாம். இதனுடன் டேட்டாவையும் பெற்றுக்கொள்ளலாம்.

இவ்வாறு அதில் கூறப்பட்டுள்ளது.