உருளையன்பேட்டை தொகுதிக்குட்பட்ட, புதுப்பாளையம், அய்யனார் கோவில் வீதியில் பழுதடைந்த பழைய சாலையை மாற்றி பேட்கோ நிதி ரூ. 62 லட்சத்தில், புதிய சிமென்ட் சாலை மற்றும் இருபுற கான்கிரீட் வாய்க்கால் அமைக்கும் பணி நேற்று துவங்கியது.

இப்பணியை நேரு எம்.எல்.ஏ., துவக்கி வைத்தார். நிகழ்ச்சியில் பேட்கொ செயற்பொறியாளர் பக்தவச்சலம், இளநிலை பொறியாளர் முகுந்தன், புதுச்சேரி நகராட்சி உதவி பொறியாளர் நமச்சிவாயம் மற்றும் மனித நேய மக்கள் சேவை அமைப்பினர் கலந்து கொண்டனர்.