கருணாநிதி நூற்றாண்டு நிறைவு விழாவை முன்னிட்டு, புதுச்சேரி மாநில தி.மு.க., இளைஞர் அணி சார்பில், இலவச காது, மூக்கு, தொண்டை சிறப்பு முருத்துவ முகாம் தவளக்குப்பம் ஹெல்த் ஸ்ப்ரிங் மருத்துவமனையில் நடந்தது.

முகாமில் 200க்கும் மேற்பட்டவர்கள் பங்கேற்று பரிசோதனை செய்து கொண்டனர்.

அதில் டாக்டர்களால் பரிந்துரை செய்யப்பட்ட 10 நபர்களுக்கு தலா ரூ. 20 ஆயிரம் வீதம் ரூ.2 லட்சம் மதிப்பில் காதுகேட்கும் கருவி வழங்கும் நிகழ்ச்சி தி.மு.க., தலைமை அலுவலகத்தில் நடந்தது.

மாநில இளைஞரணி துணை அமைப்பாளர் நித்திஷ் தலைமை தாங்கினார். தி.மு.க., அமைப்பாளரும், எதிர்கட்சி தலைவருமான சிவா முகாமில் கலந்து கொண்டு ஏழை, எளியவர்களுக்கு இலவச காதுகேட்கும் கருவிகளை வழங்கினார். நிகழ்ச்சியில், தி.மு.க., எம்.எல்.ஏ.,க்கள் அனிபால் கென்னடி, சம்பத், டாக்டர் சிரஞ்சீவி, மாநில துணை அமைப்பாளர் குமார், வழக்கறிஞர் அணி அமைப்பாளர் பரிமளம், மாநில இளைஞர் அணி துணை அமைப்பாளர்கள் ரெமிஎட்வின், முகிலன், தாமரைக்கண்ணன், அகிலன், கிருபாசங்கர், சிவா உள்ளிட்ட பலர் கலந்து கொண்டனர்.