புதுச்சேரி சட்டசபை பட்ஜெட் மானிய கோரிக்கையின்போது தி.மு.க., காங்., எம்.எல்.ஏக்களை தொடர்ந்து, சுயேச்சை எம்.எல்.ஏக்கள் நேரு, அங்காளன் ஆகியோர்வெளிநடப்பு செய்தனர்.பின், இருவரும் கூறியதாவது:

புதுச்சேரியில் உள்ள தனியார் மருத்துவ கல்லுாரிகளில் 50 சதவீத சீட்டினை பெற வேண்டும் என்று தொடர்ந்து வலியுறுத்தி வருகின்றோம். ஆனால் அரசு ஒவ்வொரு ஆண்டும் பேரம் பேசி தான் சீட்டுகளை வாங்கி வருகிறது. சென்டாக் மூலம் சேரும் மாணவர்களிடம் எந்த பில்லும் இல்லாமல் கூடுதலாக வாங்குகின்றனர். அரசு தடுக்காமல் மவுனம் காக்கிறது.

செங்கல்பட்டு மருத்துவ கல்லுாரியில் வெறும் 13 ஆயிரம் கட்டி மருத்துவ படிப்பு படிக்கின்றனர். ஆனால் புதுச்சேரியில் 1.5 லட்சம் ரூபாய் அரசு மருத்துவ கல்லுாரியில் கட்டணம் வாங்குகின்றனர்.

மருத்துவ படிப்பு படிக்க விரும்பும் மாணவர்களின் உரிமை தொடர்ந்து பறிக்கப்பட்டு வருகிறது. இதனை கண்டித்தே வெளிநடப்பு செய்தோம். இந்தாண்டு தனியார் மருத்துவ கல்லுாரிகளில் 50 சதவீத இடங்களை அரசு பெற வேண்டும்.

இவ்வாறு அவர்கள் தெரிவித்தனர்.