இந்திய கம்யூனிஸ்ட் கட்சியின், வில்லியனுார், மங்கலம், ஊசுடு தொகுதி குழு கூட்டம் வில்லியனூர் அலுவலகத்தில் நடந்தது. தொகுதி துணை செயலாளர் பெருமாள் தலைமை தாங்கினார். உறுப்பினர் இயக்கம் குறித்து தொகுதி செயலாளர் பெஞ்சமின் பேசினார்.

இன்றைய அரசியல் நிலை மாநில குழு முடிவுகள் குறித்து கட்சியின் மாநில நிர்வாக குழு உறுப்பினர் அந்தோணி, எதிர்கால இயக்க நடவடிக்கைகள் குறித்து அன்துவான் பேசினர். கூட்டத்தில் தொகுதி குழு உறுப்பினர்கள் கணேசன், நாசர், பாத்திமா கிளைச் செயலாளர் சூசை ராஜ், சரவணன், பாலதண்டாயுதம் கலந்து கொண்டனர்.

வில்லியனுார், மங்கலம், ஊசுடு தொகுதிகளில் கணக்கெடுத்து இலவசமாக வீட்டு மனைகளை வழங்கிட வேண்டும். வில்லியனுார் ஆயுஷ் மருத்துவமனையை முழுமையாக செயல்படுத்த நடவடிக்கை எடுக்க வேண்டும் உள்ளிட்ட தீர்மானங்கள் நிறைவேற்றப்பட்டன. இக்கோரிக்கைகளை வலியுறுத்தி அடுத்த மாதம் 19ம் தேதி ஆர்ப்பாட்டம் நடத்த முடிவு செய்யப்பட்டது.