தொடர்ந்து, ராஜாவை விசாரணை செய்ததில், வழக்கை முடிக்க முதல் கட்டமாக ஒரு கோடி ரூபாயை புதுச்சேரியில் ஏற்பாடு செய்துள்ளார். அந்த பணத்தை, சென்னையில் உள்ள ஹவாலா ஏஜென்டிற்கு தனது காரில் கொண்டு சென்றபோது, புதுச்சேரி எல்லையில் நடந்த சாலை மறியலில் கார் சிக்கிக் கொண்டது.

உடன், ராஜா பணத்தை பாதுகாப்பாக சென்னைக்கு கொண்டு செல்ல புதுச்சேரியை சேர்ந்த அரசியல் பிரமுகரின் உதவியை நாடினார். அந்த பிரமுகர் கூறியதன் பேரில், போலீஸ் ஜீப் பாதுகாப்புடன் பணத்துடன் கார், சென்னைக்கு கொண்டு செல்லப்பட்டது தெரிய வந்துள்ளது.

சட்ட விரோத பண பரிவர்த்தனைக்கு அரசியல் பிரமுகர் கூறியதன் பேரில் போலீஸ் வாகனத்தை பயன்படுத்திய சம்பவம் குறித்து சி.பி.ஐ., அதிகாரிகள் விசாரணையை துவங்கி உள்ளதால், இவ்வழக்கில் அடுத்து சிக்கப்போவது அரசியல் பிரமுகரா அல்லது போலீஸ் அதிகாரியா என்ற கேள்வி எழுந்துள்ளது.