விழுப்புரம், சாலாமேடு, சர்வேயர் நகரைச் சேர்ந்தவர் பூவராகவன் மனைவி உமாதேவி, 50; இவர், நேற்றிரவு 7:30 மணிக்கு புதிய பஸ் நிலையத்தில் இருந்து ஸ்கூட்டியில் வீட்டிற்கு சென்றார்.

விண் நகர் அருகே சென்றபோது 45 வயது மதிக்கத் தக்க மர்ம நபர் ஒருவர் முகவரி கேட்பது போல் உமாதேவியிடம் பேச்சு கொடுத்து, அவர் கழுத்திலிருந்த 5 சவரன் நகையை பறித்து கொண்டு தப்பியோடினார்.

புகாரின் பேரில், விழுப்புரம் தாலுகா போலீசார் வழக்குப் பதிந்து மர்ம நபரை தேடி வருகின்றனர்.