ஊட்டியில் வளர்ந்தவர்

புதுச்சேரி கவர்னர் கைலாஷ்நாதன், 1953 மே 25ம் தேதி கேரள மாநிலம், கோழிக்கோடு மாவட்டம், வடகரையில் பிறந்தவர். சென்னை பல்கலையில் எம்.எஸ்சி., வேதியியல், பிரிட்டனின் வேல்ஸ் பல்கலையில், எம்.ஏ., பொருளாதாரம் படித்தவர். இவரது தந்தை அஞ்சல் துறையில் தமிழகத்தின் ஊட்டியில் பணிபுரிந்தார். அதனால் அவர் அந்த பகுதியில் தான் வளர்ந்தார்.கடந்த, 1979ம் ஆண்டு ஐ.ஏ.எஸ்., அதிகாரியாக தேர்வான கைலாஷ்நாதன், குஜராத்தில், 1981ம் ஆண்டில், உதவி கலெக்டராக பணியில் சேர்ந்தார். தொடர்ந்து கலெக்டர் உள்ளிட்ட, பல்வேறு பதவிகளில் பணியாற்றிய இவர், பிரதமர் மோடி, குஜராத் மாநிலத்தில் முதல்வராக இருந்த போது, 2013-14ம் ஆண்டு முதன்மை அரசு செயலராக பணிபுரிந்து ஓய்வு பெற்றார்.அதன் பிறகும், கடந்த ஜூன் மாதம் வரை குஜராத்தில் முதன்மை செயலராக தொடர்ந்து பணியாற்றினார்.