கிரிக்கெட் அசோசியேஷன் ஆப் பாண்டிச்சேரி மற்றும் டி.சி.எம் நிறுவனம் சார்பில் டி20 போட்டிகள் கடந்த 24ம் தேதி துவங்கி நடந்து வருகிறது. இதில், ஷார்க்ஸ், லயன்ஸ், புல்ஸ், டைகர்ஸ், பாந்தர்ஸ், மற்றும் டஸ்கர்ஸ் ஆகிய 6 அணிகள் பங்கேற்றுள்ளன.

ஐ.பி.எல். முறையில், எலிமினேட்டர் மற்றும் குவாலிபையர் 1, 2 என்ற முறையில் நாக் அவுட் போட்டிகள் நடந்தது. நேற்று முன்தினம் நடந்த குவாலிபையர் 1 போட்டியில் லயன்ஸ் அணியும், டைகர்ஸ் அணியும் மோதின. இதில் டைகர்ஸ் அணி 3 விக்கெட்டு வித்தியாசத்தில் வெற்றி பெற்று இறுதி போட்டிக்கு தகுதி பெற்றது.

இதேபோல், எலிமினேட்டர் போட்டியில் ஷார்க்ஸ் அணியும், டஸ்கர்ஸ் அணியும் மோதின. டைகர்ஸ் ஆணி 3 விக்கெட் வித்தியாசத்தில் வெற்றி பெற்றது. நேற்று (5ம் தேதி) நடந்த குவாலிபையர் 2 போட்டியில் டஸ்கர்ஸ் அணியும், லயன்ஸ் அணியும் மோதின. முதலில் ஆடிய டஸ்கர்ஸ் அணி 20 ஓவர்களில் 4 விக்கெட் இழந்து 187 ரன்கள் எடுத்தது.

தொடர்ந்து, ஆடிய லயன்ஸ் அணி 18.4 ஓவர்களில் 5 விக்கெட் இழந்து 188 ரன்கள் எடுத்து 5 விக்கெட் வித்தியாசத்தில் வெற்றி பெற்று, இறுதி போட்டிக்கு தகுதி பெற்றது. 3 விக்கெட் எடுத்த லயன்ஸ் அணியின் சுதர்ஷன் ஆட்டநாயகன் விருதை வென்றார்.

இன்று (6ம் தேதி) காலை 11:00 மணிக்கு லயன்ஸ் அணியும், டைகர்ஸ் அணியும் இறுதி போட்டியில் மோதுகிறது,