காட்டேரிக்குப்பம் போலீஸ் சப் இன்ஸ்பெக்டர் தமிழரசன் மற்றும் போலீசார் நேற்று முன்தினம் இரவு வாகன சோதனையில் ஈடுபட்டனர்.

அப்போது, சுத்துக்கேணி மயிலம் பாதை வழியாக பைக்கில் வந்த நபரை நிறுத்தி சோதனை செய்தனர். அதில், 8 லிட்டர் சாராயத்தை 47 பாக்கெட்களில் கடத்தி வந்தது தெரியவந்தது. இதையடுத்து, சாராயத்தை பறிமுதல் செய்த போலீசார், சாராயம் கடத்தி வந்த கடப்பேரிக்குப்பம் மாரியம்மன் கோவில் தெருவை சேர்ந்த கலைச்செல்வன், 34; என்பவரை கைது செய்தனர்.

பின்னர், கைது செய்யப்பட்ட கலைச்செல்வன், பறிமுதல் செய்யப்பட்ட சாராயம் மற்றும் மோட்டார் பைக் ஆகியவை மேல் நடவடிக்கைக்காக புதுச்சேரி கலால் துறையிடம் ஒப்படைக்கப்பட்டது.