அவரது அறிக்கை:

புதுச்சேரி நியமன எம்.எல்.ஏ.,க்கள் விவகாரத்தில் மரபுகள் மீறப்பட்டு வருகிறது. பிரதிநிதித்துவம் இல்லாத அல்லது குறைவாக உள்ள சமூகங்களுக்கு பிரதிநிதித்துவம் வழங்க வேண்டும். குறிப்பாக பெண்களுக்கு போதிய இடஒதுக்கீடு வழங்க வேண்டும். சட்டசபை பணிகளில் பயனுள்ள பங்களிப்பு செய்யக்கூடிய சிறந்த நிபுணர்கள் மற்றும் துறைக்கல்வி வல்லுநர்களை சேர்த்தல் வேண்டும்.

நியமன செயல்முறையை முழுமையாக அரசியல் சார்பற்றதாகவும் வெளிப்படையானதாகவும் மாற்ற வேண்டும். அரசியல் கட்சிகளின் ஆதரவாளர்களுக்கோ அல்லது கட்சி மாறியவர்களுக்கோ பதவி வழங்கும் கருவியாக நியமன முறை பயன்படுத்தப்படக்கூடாது.

அதற்கு பதிலாக, சமூக நீதி, சமத்துவமான பிரதிநிதித்துவம், பெண்களின் பங்கேற்பு மற்றும் அறிவு சார்ந்த சட்டசபை விவாதங்களை வலுப்படுத்தும் நோக்கத்தோடு மட்டுமே நியமனங்கள் மேற்கொள்ளப்பட வேண்டும். தகுதி மற்றும் நேர்மையுள்ள நபர்களை அடையாளம் காண நியாயமான மற்றும் ஆலோசனையுடன் கூடிய நடைமுறையை உருவாக்க வேண்டும்.

மூன்று பேரைத் தேர்ந்தெடுக்க ஒரு தேடுதல் குழு அல்லது தேர்வுக் குழு நியமிக்கப்பட்டு, புதுச்சேரி மக்களிடமிருந்து விருப்ப மனுக்கள் பெறப்பட்டு, அவற்றிலிருந்து மூன்று பேரைத் தேர்வு செய்ய வேண்டும். இவ்வாறு கூறப்பட்டுள்ளது.