புதுச்சேரி சமூக நலத்துறை சார்பில் ஊசுடு தொகுதியை சேர்ந்த மாற்றுத்திறாளிகளுக்கு மூன்று சக்கர சைக்கிள் வழங்கும் நிகழ்ச்சி பத்துக்கண்ணு எம்.எல்.ஏ., அலுவலகத்தில் நடந்தது.

நிகழ்ச்சியில் தொகுதியை சேர்ந்த 8 மாற்றுத்திறனாளி பயனாளிகளுக்கு சமூக நலத் துறை சார்பில் ரூ.7:20 லட்சம் மதிப்பிலான மூன்று சக்கர மோட்டார் சைக்கிள்களை அமைச்சர் சாய்சரவணன் குமார் வழங்கினார்.

நிகழ்ச்சியில் சமூக நலத்துறை அதிகாரிகள் கருணாநிதி, அன்பரசன், சுருதி, ஊசுடு தொகுதி பா.ஜ., ஒருங்கிணைப்பாளர் சாய்தியாகராஜன், தொகுதி தலைவர் அய்யனார் உட்பட பலர் பங்கேற்றனர்.