புதுச்சேரி மாநில எம்.எல்.ஏ.,க்களுக்கு, நேபாளம் நாட்டின் கண்டகி பிரதேச சட்டப்பேரவை செயலகம் சார்பில், அழைப்பு விடுக்கப்பட்டது.

இதையடுத்து, புதுச்சேரி மாநில எம்.எல்.ஏ.,க்கள், சபாநாயகர் செல்வம் தலைமையில், நேபாளம் கண்டகி பிரதேச சட்டசபையை பார்வையிட சென்றனர்.

அங்கு, நேற்று புதுச்சேரி எம்.எல்.ஏ.,க்கள் குழுவினரை, கண்டகி சபாநாயகர் கிருஷ்ணன் ஜிட்டா உள்ளிட்டோர் வரவேற்றனர். இதனை தொடர்ந்து, புதுச்சேரி எம்.எல்.ஏ.,க்கள், கண்டகி பிரதேச முதல்வர் மற்றும் அமைச்சர்களை சந்தித்து பேசினர்.