சண்முகாபுரம் வி.பி.சிங் நகரை சேர்ந்தவர் கவிதா. இவரை டெலிகிராம் மூலம் தொடர்பு கொண்ட நபர், பகுதிநேர வேலையாக ஆன்லைனில் முதலீடு செய்து, வீட்டில் இருந்தபடி அதிக பணம் சம்பாதிக்கலாம் என, கூறினார். இதைநம்பிய, கவிதா 1 லட்சத்து 24 ஆயிரத்து 991 ரூபாய் அனுப்பி, ஏமாந்தார்.

இதேபோல், வில்லியனுாரை சேர்ந்த சிவக்குமார் பகுதிநேர வேலையாக ஆன்லைனில் முதலீடு செய்து, 43 ஆயிரம் ரூபாய் ஏமாந்துள்ளார். சின்னகாலாப்பட்டு எழிலன் 51 ஆயிரம், காரைக்கால் பன்னீர்செல்வம் 2 ஆயிரத்து 500 ரூபாய், புதுச்சேரி சவரிராயலு வீதி ஆரோக்கியராஜ் 3 ஆயிரத்து 500 ரூபாய், வில்லியனுார் சக்திவேல் 2 ஆயிரம், சண்முகாபுரம் ஆறுமுகம் 4 ஆயிரம் என, மொத்தம் 7 பேர் ஆன்லைன் மோசடி கும்பலிடம் 2 லட்சத்து 30 ஆயிரத்து 991 ரூபாய் இழந்தனர்.

புகாரின் பேரில், சைபர் கிரைம் போலீசார் வழக்குப் பதிந்து விசாரித்து வருகின்றனர்.