புதுச்சேரியில், சி.ஏ.பி.-சீ., கெம் மைதானத்தில் 6 அணிகள் மோதிய 20 ஓவர் ஆண்கள் கிரிக்கெட் போட்டி, நேற்று காலை 8:00 மணிக்கு தொடங்கியது. கடைசி லீக் போட்டியில் லயன்ஸ், டஸ்கர்ஸ் அணிகள் மோதின.

முதலில் ஆடிய லயன்ஸ் அணி 19.3 ஓவர்களில் 122 ரன்கள் எடுத்து ஆட்டம் இழந்தது. டஸ்கர்ஸ் அணியின் சாய் சரண் 4 விக்கெட் எடுத்தார். தொடர்ந்து, டஸ்கர்ஸ் அணி அதிரடியாக ஆடி 12 ஓவர்களில் 2 விக்கெட் இழந்து 125 ரன்கள் எடுத்து, 8 விக்கெட் வித்தியாசத்தில் வெற்றபெற்றது. டஸ்கர்ஸ் அணியின் ஜஸ்வந்த் 37 பந்துகளில் 52 ரன்களும், சுனில் குமார் 24 பந்துகளில் 50 ரன்களும் எடுத்தனர். சிறப்பாக பந்து வீசிய டஸ்கர்ஸ் அணியின் சாய் சரண் ஆட்டநாயகன் விருதை வென்றார்.

லீக் போட்டிகளில் 5 போட்டிகளிலும் வெற்றி பெற்று 10 புள்ளிகளுடன் முதல் இடத்தில் டஸ்கரஸ் அணி 8 புள்ளிகளுடன் டைகர்ஸ் அணி 2ம் இடத்திலும், 6 புள்ளிகளுடன் புல்ஸ் அணி 3ம் இடத்திலும், 4 புள்ளிகளுடன் ஷார்க்ஸ் அணி 4ம் இடத்திலும், வந்து அரை இறுதிக்கு தகுதி பெற்றன.