ஆனால், கல்யாண- கடை திறப்பு கோஷ்டிகள் வைத்த பேனர்களில் இவை ஒன்று கூட இல்லை. இந்த சட்ட விரோத பேனர்களை வைத்தவர்கள் மற்றும் அச்சடித்து கொடுத்த பிரிண்டிங் கடைகள் மீது நடவடிக்கை எடுக்க கலெக்டர் மற்றும் நகராட்சி நிர்வாகங்கள் தயங்குவது ஏன்....

சட்ட விரோத பேனர்களை அச்சடித்து கொடுக்கக்கூடாது என மாவட்ட மற்றும் நகராட்சி நிர்வாகங்கள் சார்பில் பலமுறை கூட்டம் போட்டு அறிவுரை கூறியாகிவிட்டது.

ஆனால் பிரிண்டிங் கடைகள் அரசின் உத்தரவு எதையும் காதில் வாங்கிக் கொள்ளவில்லை. மீண்டும் மீண்டும் சட்ட விரோத பேனர்களை அச்சடித்து கொடுத்து வருகின்றனர். இதனால் பேனர் கலாசாரத்தினை ஒழிக்க முடியவில்லை.சட்ட விரோத பேனர்களை அச்சடித்து கொடுக்கும் டிஜிட்டல் பிரிண்டிங் கடைகளில் ஏதேனும் ஒரு கடைக்கு சீல் வைத்து முடக்கினால் மட்டுமே மற்ற கடைகளுக்கு அது பாடமாக அமையும். சட்ட விரோத பேனர்களை அச்சடிக்க யோசிப்பர். சட்ட விரோத பேனர்கள் விஷயத்தில் வெறும் அறிவுரை பலன் தராது. அதிரடி ஆக் ஷன் தான் முக்கியம். விதிமுறைகளை மீறும் டிஜிட்டல் பிரிண்டிங் கடைகள் மீது இனியும் தயவு தாட்சண்யம் பாராமல் கடும் நடவடிக்கை எடுத்தால் மட்டுமே பேனர் கலாசாரத்திற்கு முற்றுப்புள்ளி வைக்க முடியும்.